Olga Zabelinskaya yosh velosportchilarga mahorat darsi o'tkazdi

Jahon sportida o'z mavqeyiga ega bo'lgan bunday sportchi bilan suhbatlashish, uning mahoratidan saboq olish velosportga endi qadam qo'yayotgan yoshlar uchun katta baxt. Bugun poytaxtimizdagi velotrek bazasida Olga Zabelinskaya va yosh velosportchilar ishtirokida mahorat darsi o'tkazildi. 

Tadbir davomida yosh sportchilar o'zlarini qiziqtirgan savollariga javob olishdi. O'z navbatida mahoratli sportchimiz ko'p yillik tajribasi davomida olgan malakasi, startga o'zini har tomonlama yaxshi tayyorlash, qiyin holatlarda o'zini qo'lga ola bilish kabi vaziyatlar bo'yicha qimmatli maslahatlarini berib o'tdi.