Olimpiya harakati spartakiadasi. Dzyudochi Usanov o'z vaznida tengsiz bo'ldi

Bungacha Namangan, Xorazm va Qashqadaryo viloyatida ushbu sport musobaqalari yakunlangani haqida xabar berib o'tgandik.

Toshkent shahrida dzyudo bo'yicha o'tkazilgan bahslar muxlislar orasida katta qiziqishlarga sabab bo'ldi. Jumladan, -100 kg vazn toifasida bahslarda ishtirok etgan Toshkent Davlat Agrar Universiteti talabasi Avazbek Usanov barcha raqiblarini mag'lubiyatga uchratgan holda oltin medal egasiga aylandi. Ikkinchi va uchinchi o'rinlar mos ravishda Toshkent davlat Jismoniy tarbiya universiteti talabalari M.Egamberdiev va A.To'xtamishevlarga nasib qildi.

Qayd etish lozimki, ushbu spartakiada yangi nomlarni saralab olish maqsadida tashkil etilmoqda. Musobaqada o'zini ko'rsata olgan sportchilarda keyinchalik terma jamoa safidan o'rin olish imkoniyati paydo bo'ladi.