07 may 13:40
Yangiliklar

Dzyudo

Olimpiya kelajagi. Dzyudo bo'yicha bellashuvlarda ikkinchi finalchi aniqlandi

Milliy olimpiya qo'mitasi tashabbusi bilan o'tkazilayotgan Olimpiya kelajagi musobaqasining dzyudo bo'yicha bahslarida yana bir finalchi nomi malum bo'ldi.

«D» guruhidagi bellashuvlarga Xorazm viloyati mezbonlik qildi. Musobaqa yakuniga ko'ra Buxoro viloyati terma jamoasi hal qiluvchi final bosqichiga yo'l oldi. Buxoroliklar bu borada Xorazm hamda Qoraqalpog'iston terma jamoalarini ortda qoldirishdi.

Eslatib o'tamiz, bungacha «S» guruhida o'tkazilgan bahslarda Qashqadaryo viloyati terma jamoasi g'olib chiqib, final yo'llanmasini qo'lga kiritgandi.

Demak, «Olimpiya kelajagi»ning dzyudo bo'yicha musobaqalarida Qashqadaryo hamda Buxoro terma jamoalari finalda ishtirok etadilar. Navbatdagi hududiy musobaqalar 12-13 may (Samarqand) hamda 19-20 may (Namangan) kunlari bo'lib o'tadi.