Olmaliqda kadetlar o'rtasida O'zbekiston chempionati boshlanmoqda

Musobaqa ishtirokchilari birin-ketin musobaqa o'tkaziladigan joyga etib kelishmoqda. Rejaga ko'ra, bugun chempionatda qatnashadigan sportchilar tarozidan o'tishadi. 16 va 17 may kunlari asosiy bahslar tashkil etiladi. 

Musobaqa 18 ta vazn toifasida (yigitlar o'rtasida 9 ta, qizlar o'rtasida 9 ta) tashkil etilmoqda. Bahslarda umumiy hisobda 570 nafardan ortiq sportchi qatnashadi. 

Ushbu musobaqalar orqali terma jamoamiz murabbiylari Osiyo chempionati va jahon chempionatida qatnashadigan tarkibimizni aniqlab olishni maqsad qilishgan. 

Qayd etish lozimki, musobaqa davomida O'zbekiston sambo associaciyasining yig'ilishi ham tashkil etiladi. Unda tashkiliy masalalar, musobaqaga oid va antidoping bilan bog'liq masalalar muhokama qilinadi. 

O'zbekiston sambo associaciyasi matbuot xizmati