"Olti qirol "Toji". Sinner 2,5 soat davom etgan bahsda Jokovichni engdi

Italiyalik iqtidor egasi 1/2 finalda sayyoramizning to'rtinchi raketkasi, serbiyalik Novak Jokovichni uch set natijasiga ko'ra mag'lubiyatga uchratdi - 6/2, 6/7(0), 6/4. Ikki soatu 27 daqiqa davom etgan bahsda ikkala tennischi ham 9 tadan eys zarbasini amalga oshirgan. Qo'shxatolar ham, breyklar ham mos ravishda 7 ga 2, 6 ga 3 ko'rinishida Yannik foydasiga hal bo'lgan. 

Endi Sinner ko'rgazmali maqomdagi turnir bosh sovrini uchun ispaniyalik Karlos Alkarazga qarshi kortga chiqadi. Tajribali Jokovich esa uchinchi o'rin sohibini aniqlab beruvchi bahsda o'zi singari yana bir afsona Rafael Nadal bilan to'qnash keladi.