Omonmurodova Franciyadagi turnirning yarim finalida kortga chiqdi

Musobaqaning sovrin jamg'armasi 60 000 AQSH dollarini tashkil qiladi. Yakkalikning saralash bahslarida mag'lubiyatga uchragan hamyurtimiz bor etiborini juftlikdagi ishtirokiga qaratayotgandi.

Rossiyalik taniqli tennischi Vera Zvonareva bilan tandem hosil qilgan Omonmurodova juftlik musobaqasining ikki uchrashuvida g'alaba qozonib, yarim finalga yo'l olgan edi. 

Afsuski, final chiptasi uchun kechgan uchrashuvda Omonmurodova va Zvonareva rossiyalik Anna Kalinskaya hamda slovakiyalik Viktoriya Kuzmova hamkorligiga 6:3, 5:7, tay-brekda 8:10 hisobida ikoniyatni boy berdi.