16 sen 12:48
Yangiliklar

Boshqalar

Osiyo chempionatida muvaffaqiyatli ishtirok etgan sambochilarimiz Toshkentda tantanali kutib olindi + FOTO

Teglar : Sambo

Xabar berib o'tganimizdek, 13-15 sentyabr kunlari Hindistonning Nyu-Deli shahrida sambo bo'yicha kattalar, yoshlar va o'smirlar o'rtasida Osiyo chempionati bo'lib o'tdi.

Bugun tunda ushbu Osiyo chempionatida muvaffaqiyatli ishtirok etgan o'zbekistonlik sambochilar yurtimizga qaytib kelishi. Ular Islom Karimov nomidagi Toshkent xalqaro aeroportida tantanali ravishda kutib olindi.

Tadbir davomida O'zbekiston sambo associaciyasi prezidenti Alisher Alimov so'zga chiqar ekan, sportchilar, murabbiy va ularning yaqinlarini qo'lga kiritilgan yutuq, erishilgan muvaffaqiyat bilan muborakbod etdi. Ushbu muvaffaqiyat zamirida mamlakat rahbari tomonidan sportga ko'rsatilayotgan g'amxo'rlik turgani alohida qayd etildi.

Malumot uchun, Osiyo chempionatida O'zbekiston terma jamoasi 40 ta medal qo'lga kiritdi. Ularning 23 tasi oltin, 11 tasi kumush va 6 tasi bronza medallaridir.

Musobaqa yakuniga ko'ra, sambochilarimiz umumjamoa hisobida birinchi o'rinni egallashdi. Ikkinchi va uchinchi o'rinlar mos ravishda Qozog'iston va Mo'g'uliston terma jamoalariga nasib qildi.

Fursatdan foydalanib, www.olamsport.com sayti erililgan muvaffaqiyat bilan O'zbekiston sambo associaciyasini, sportchi va murabbiylarimizni tabriklaydi.