Osiyo chempionatida umumjamoa hisobida birinchi o'rinni egallagan sambochilarimiz O'zbekistonga qaytib kelishdi + FOTO

Ushbu musobaqada O'zbekiston terma jamoasi azolari har uchchala yosh toifasida ham umumjamoa hisobida birinchi o'rinni egallashdi. Terma jamoamiz Osiyo chempionatida umumiy hisobda 30 ta oltin, 11 ta kumush va 13 ta bronza medalini qo'lga kiritdi. 

Bugun tunda musobaqada muvaffaqiyatli qatnashgan sambochilarimiz O'zbekistonga qaytib kelishdi. Ular Islom Karimov nomidagi Toshkent xalqaro aeroportida tantanali kutib olindi. Kutib olish marosimida O'zbekiston Sportni rivojlantirish vazirligi mutasaddilari, O'zbekiston Ichki Ishlar vazirligi vakillari, O'zbekiston sambo associaciyasi rahbariyati, sportchilarning yaqinlari va OAV xodimlari qatnashishdi. 

Osiyo chempionati sovrindorlari ro'yxati bilan O'zbekiston sambo associaciyasining ijtimoiy tarmoqdagi sahifalarida tanishishingiz mumkin. 

O'zbekiston sambo associaciyasi matbuot xizmati