Otabek Eshmamatov Jismoniy tarbiya va sport vazirligi Matbuot xizmati rahbari lavozimiga tayinlandi

O'zbekiston Respublikasi Prezidentining “Ommaviy axborot vositalari mustaqilligini taminlash hamda davlat organlari va tashkilotlari axborot xizmatlari faoliyatini rivojlantirish bo'yicha qo'shimcha chora-tadbirlar to'g'risida”gi qaroriga muvofiq Eshmamatov Otabek Normuminovich Jismoniy tarbiya va sport vazirligi Matbuot xizmati rahbari, vazirning axborot siyosati masalalari bo'yicha maslahatchisi – matbuot kotibi lavozimiga tayinlandi, deb xabar beradi UzA.

O.Eshmamatov Toshkent davlat sanat institutining (hozirgi O'zbekiston sanat va madaniyat instituti) 2001 yil bakalavr, 2003 yil magistr darajasini olgan.

Jurnalistik faoliyatini 1997 yil O'zbekiston radiosi “Yoshlar” kanalida boshlagan.

Keyinchalik O'zbekiston milliy teleradiokompaniyasining “Sport” teleradiokanalida sharhlovchi, 1-toifali mutaxassisi, katta muharrir, “Mahalla” teleradiokanalida “Ijtimoiy-huquqiy dasturlar” muharririyati sharhlovchisi, Mediametriya va reyting sektori bosh mutaxassisi, “Badiiy-marifiy dasturlar” muharririyati bosh muharriri o'rinbosari, shuningdek, O'zbekiston Milliy axborot agentligi Veb-sayt axborot tahririyati masul muharriri lavozimlarida faoliyat yuritgan.

Ushbu lavozimga tayinlov O'zbekiston Respublikasi Prezidenti Administraciyasi huzuridagi Axborot va ommaviy kommunikaciyalar agentligi xulosasiga ko'ra amalga oshirildi.

Olamsport.com sayti Otabek Eshmamatovni yangi lavozim bilan tabriklab, kelgusi faoliyatida ulkan zafarlar tilaydi.