"O'tgan yili "Rolan Garros"da Federer avvalgidek emasligini payqagandim". Denis Istomin Rojerning ketishiga munosabat bildirdi

— Rojer juda uzoq va ajoyib faoliyatga ega bo'ldi. U tarixdagi eng zo'r o'yinchilardan biri. Tennisga yangi homiylarni olib kelgani, uning faoliyatida tennis mashhurlikka erishgani uchun Federerga katta rahmat aytmoqchiman. Albatta, men u bilan bir davrda o'ynaganimdan faxrlanaman. U bilan o'yin o'tkazish menga nasib etdi - ularning har biri mening yodimda qoladi.

— O'tgan yili u bilan "Rolan Garros"da o'ynagansiz. Uning ketayotganini his qildingizmi?

— Qaysidir manoda, ha. Uning munosabati endi avvalgidek emasligini payqadim. U unchalik ham tez harakat qilmayotgan edi. Lekin bu normal holat, u hali ham yoshiga qaraganda ajoyib o'ynadi.

Eslatib o'tamiz, Afsonaviy Rojer Federer faoliyatini yakunlaganini elon qilgan edi.

Malumot uchun, o'zaro uchrashuvlarda Federer Istomin bilan sakkiz bor to'qnash kelgan va barchasida g'alaba qozongan.