Ovechkin MXL "snayperlari" ro'yxatida ikkinchi o'ringa ko'tarildi

"Vashington" "Sent-Luis Blyuz" klubiga qarshi kechgan uchrashuvda yirik 8:1 hisobida g'alaba qozondi. Ovechkin kiritilgan shaybalarning ikkitasiga mualliflik qildi. Bu bilan uning joriy mavsumdagi gollari soni 10 taga etdi va u snayperlar ro'yxatida ikkinchi o'ringa ko'tarilib oldi.   

Aleksandr Ovechkin singari 10 ta gol kiritib ulgurgan xokkeychilar bir necha nafarni tashkil qilmoqda. U 14 ta uchrashuvda 8 ta golli uzatmani ham amalga oshirgan. Nikita Kucherov ("Tampa"), Sem Raynxart ("Florida") va Vilyam Nyulander ("Toronto") hisobida 11 tadan gol bor.

Eslatib o'tamiz, afsonaviy Ueyn Gretckining rekordiga 31 ta gol qoldi.