Ovechkin - MXL tarixiga kirdi, u bitta klub safida 850 ta gol kiritdi

Rossiyalik xokkey yulduzi "Pi-En-Si-Arena"da o'tgan "Karolina Xarrikeynz" — "Vashington Kepitalz" uchrashuvida ushbu rekordni rasman rasmiylashtirib oldi. Ovechkin birinchi bo'limning o'zida dublga erishdi. Bu "Kepitalz" sardorining 850 va 851-gollari bo'ldi. Ovechkin bu gollarning barchasini "Vashington" safida kiritgan.   

Aleksandr Ovechkin faoliyatini faqat bir jamoa - "Vashington Kepitalz" safida o'tkazib kelyapti. Rossiyalik hujumchidan tashqari 850 talik marrani faqat bir xokkeychi — kanadalik afsona Ueyn Gretcki zabt etgan. Faqat farqi Gretcki 850 ta shaybani turli klublarda o'ynab kiritgan.