O'z kumiring ashaddiy raqibingga aylanmaguncha bo'sh kelma

Uning g'alabalari haqida ham ko'p eshitganmiz. Biroq unda eslab o'tishga arzigulik mag'lubiyatlar ham bor. Quyida ulardan biri haqida hikoya qilamiz. Bu real hikoyani “O'z kumiring ashaddiy raqibingga aylanmaguncha bo'sh kelma” deb nomladik.

Felpsning “shoh yo'nalishi” batterflyay usulida suzish. Bu faktni sal keyinroq yod olamiz. Xitoy va Singapur davlatlari bir-biriga yaqin. Pekindagi Olimpiadani ko'rish uchun singapurlik yosh suzuvchi, 13 yashar Yozef Skuling Xitoyga keladi. Uning yagona orzusi o'z kumiri Felps bilan suratga tushish bo'lgan va bolakay o'z maqsadiga etgan ham.

Rio-2016. Oradan 8 yil o'tib, o'sha bolakay dunyoning eng kuchli suzuvchilaridan biri bo'lib voyaga etdi. Mayklning faoliyatidagi so'nggi startlaridan biri ushbu Olimpiadada 100 metrga batterflyay usulida suzish bahsi edi. Ne ajabki, Felps ham, Skuling ham ushbu yo'nalishda finalgacha etib kelishdi. Yakunda Yozef Skuling o'z kumirini batterflyay usulida, yani Mayklning “shoh yo'nalishi”da Olimpiya o'yinlarida dog'da qoldirib, oltin medalni qo'lga kiritdi. Bu esa o'z kumiri ortidan ergashgan bolakayning vaqti kelib afsonaviy suzuvchini mag'lub etgani haqidagi voqea bilan jahon nashrlarida bong urildi.

2008 va 2016 yillarda olingan ushbu suratga shunday izoh berdik:

2008: Bolakayga umringning 1 soniyasini esdalik uchun suratga tushgani berasan

2016: 8 yil o'tib, Skuling o'sha 1 soniya qarzini senga beradi.

Ha aytgancha, o'sha bellashuv yana bir jihati bilan tarixda qolgan. Skuling g'olib chiqish uchun 50.39 soniya natija qayd etgan bo'lsa, bir yo'la 3 sportchi: Maykl Felps, CHad Le Klo va Laslo CHex 51.14 soniya natija bilan kumush medallarga ega chiqishgan. SHu bois ushbu yo'nalishda bronza medali hech kimga taqdim qilinmagan.

Yana bir etiborli tomoni shundaki, 25 atlet bilan Rio Olimpiadasida qatnashgan Singapur uchun Skulingning medali yagona bo'lib qoldi.