O'zbek tennischilari yangi mavsumni qaerda boshlashadi?

Telegramdagi Tennis yangiliklari kanali yanvar oyida xalqaro musobaqalarda ishtirok etadigan erkak tennischilarimiz ro'yxati bilan tanishtirib o'tdi. 

Unga ko'ra, Denis Istomin va Humoyun Sultonov 13-19 yanvar kunlari Bangkokda start oladigan "Bangkok Challenger 80" musobaqasida ishtirok etish uchun ariza berishgan. Har ikkala tennischimiz musobaqaning asosiy to'rida ishtirok etishadi.

Sanjar Fayziev 20-26 yanvar kunlari Germaniyaning Nuslox shahrida bo'lib o'tadigan M25 musobaqasida ishtirok etish orqali mavsumni boshlaydi.

Jo'rabek Karimov, Saidalo Saidkarimov, Sergey Fomin va Olimjon Nabievlar esa 20-26 yanvar kunlari Qozon shahrida bo'lib o'tadigan M15 "Fyuchers" musobaqasida ishtirok etishadi.

Yangi boshlanayotgan mavsumda barcha tennischilarimizga ulkan zafarlarni tilab qolamiz. Unutmang har biringiz biz uchun qadrlisiz. Qanday natijalarni qayd etishingizdan qatiy nazar biz sizga muxlislik qilishda davom etamiz!