O'zbekiston delegaciyasi Jahon etnosport o'yinlarida. Ochilish marosimida Rejep Toyib Erdog'on ishtirok etdi + FOTO

Mazkur sport anjumanida dunyoning 102 davlatidan 3 ming nafardan ortiq sportchi g'oliblik uchun bahslarga kirishgan.

Jahon etnosport o'yinlarida O'zbekiston Respublikasi sportni rivojlantirish vaziri Adxam Ikramov boshchiligidagi mamlakatimiz delegaciyasi ham ishtirok etmoqda.

Musobaqaning tantanali ochilish marosimida Turkiya Respublikasi prezidenti Rejep Toyib Erdog'an ham qatnashdi va nutq so'zladi. Faxriy mehmon o'z so'zida barcha ishtirokchilarni Jahon etnosport o'yinlarining boshlanishi bilan samimiy muborakbod etdi hamda ularga omad tiladi.

Jahon etnosport o'yinlarida O'zbekiston sport delegaciyasi uloq ko'pkari, kurash, belbog'li kurash, korsh (Tatariston kurashi), alish (qirg'iz kurashi), qozoq kurashi, kamondan otish, mas-restling, bel olish va uch kurash kabi sport turlaridan qariyb 80 nafar sportchi bilan ishtirok etishadi.

Malumot uchun: Jahon etnosport o'yinlari 4 oktyabrga qadar davom etadi.