13 iyu 17:00
Yangiliklar

Boshqalar, Xokkey

O'zbekiston Kambodjani yirik hisobda mag'lub etdi + FOTO

Xabar berganimizdek, Indoneziya poytaxti Jakarta shahrida chim ustida xokkey bo'yicha Osiyo o'yinlari-2022 uchun saralash musobaqasi bo'lib o'tmoqda.

Ushbu musobaqada O'zbekiston chim ustida xokkey bo'yicha ayollar terma jamoasi azolari ham qatnashishmoqda.

Bugun saralash doirasida beshinchi tur o'yinlari bo'lib o'tdi. Ushbu turda vakilalarimiz kambodjalik raqibalariga qarshi o'yin o'tkazib, 8:0 hisobida g'alaba qozonishdi. Hamyurtimiz Hasanboeva Zulfiyaxon uchrashuvning eng yaxshi xokkeychisi deb topildi.

Endilikda jamoamiz hisobida olti ochko mavjud. Vakilalarimiz oltinchi tur doirasidagi uchrashuvini ertaga SHri Lanka termasiga qarshi o'tkazadi.

Ilgariroq, qizlarimizning avvalgi turlardagi natijalari va musobaqa haqida umumiy malumot bergan edik.