O'zbekiston Milliy olimpiya qo'mitasi prezidenti Umid Ahmadjonovning qabulxonasi ochildi

O'zbekistondagi sport muxlislari bilan yanada yaqin bo'lish, ularni qiynayotgan muammolarni hal qilish, fuqarolar bilan jonli muloqot qilish, Olimpiya sport turlari bo'yicha ularning fikr va mulohazalarini tinglash, takliflariga quloq tutish maqsadida O'zbekiston Milliy olimpiya qo'mitasi prezidenti Umid Ahmadjonovning qabulxonasi ochilganligini malum qilamiz.

Har haftaning payshanba kuni soat 14:00 dan 18:00 ga qadar yurtimizdagi sport muxlislari qabulxonaga tashrif buyurib, o'zlarini qiziqtirgan mavzuda MOQ prezidentiga murojaat qilishlari mumkin bo'ladi. Umid Ahmadjonov qabulxonaga tashrif buyurgan har bir fuqaroning murojaatini tinglaydi va o'sha murojaat bo'yicha tegishli chora-tadbirlar ko'rilishini shaxsan nazorat qilib boradi.

Bu orqali o'zbek sportida uchrayotgan muammolar, kamchiliklar bartaraf etilib, sportimizni yanada rivojlantirish, yutuqlarni qo'lga kiritishni taminlash, oldimizga qo'ygan maqsadlarga erishish sari katta qadam tashlanadi.

Manzil: O'zbekiston Milliy olimpiya qo'mitasi. Toshkent shahri, Olmazor ko'chasi, 6 uy.

Telefon: (+99871) 2444141.