O'zbekiston Respublikasi Sport vaziri o'tkazgan yig'ilishda qanday masalalar muhokama qilindi?

Yig'ilishda “Besh tashabbus olimpiadasi” doirasida tashkil etilayotgan ommaviy sport musobaqalari, “Jismoniy tayyorgarlik darajasi” sport sinovlarini qabul qilish hamda sport maktablari tomonidan guruhlarni to'ldirish bo'yicha amalga oshirilayotgan ishlar ko'rib chiqildi.

SHuningdek, joylarda vazirlik rahbariyati tomonidan o'tkazilayotgan o'rganish va masalalarga amaliy ko'mak ko'rsatish borasida amalga oshirilayotgan ishlar sanab o'tildi.

SHundan so'ng, musobaqalar natijalarini elektron platformada qayd etish orqali yoshlar qamrovini kengaytirish, sport sinovlarini qabul qilish ishlarini yanada jadallashtirish hamda sport guruhlariga sportchilarni qabul qilish ishlari bo'yicha berilgan topshiriq ijrosi yuzasidan masullarning hisobotlari tinglandi.

Yig'ilish yakuni bilan, hududiy sport rahbarlariga ushbu ishlarni tashkil qilishda yoshlar etakchilari va umumtalim maktablari bilan hamkorlikda ishlash, kamchiliklarni joyida bartaraf etish va targ'ibot ishlarini kuchaytirish bo'yicha ko'rsatmalar berildi.