O'zbekiston sambo associaciyasi Ichki ishlar vazirligi tizimidagi ikkita tashkilot bilan memorandum imzoladi

Mana shunday kelishuvlarning navbatdagisi kecha O'zbekiston Respublikasi Ichki ishlar vazirligi tizimidagi ikki tashkilot bilan amalga oshirildi. 

O'zbekiston Respublikasi Ichki ishlar vazirligi xodimlarining aksariyat qismi sambo sport turi bilan muntazam shug'ullanib kelishadi, bu sport turi xodimlar uchun tayanch sport turi xisoblanadi. Bu bo'yicha ikki tomon uzoq yillardan beri xamkorlik qilib kelishadi. Endilikda mazkur xamkorlik yangi bosqichga olib chiqilmoqda. 

Kecha O'zbekiston sambo associaciyasi raisi Alisher Alimov boshchiligidagi ishchi guruh hamkorlik masalasida uchrashuv o'tkazdi. Unda associaciyamiz raisiga bosh kotib Roman SHakirov va rais o'rinbosari Islom Adilov hamrohlik qilishdi. Uchrashuvda O'zbekiston Respublikasi Ichki ishlar vazirligining malaka oshirish instituti boshlig'i, polkovnik Olim Ahmedov, institut boshlig'ining birinchi o'rinbosari polkovnik Ulug'bek Rasulev, institut o'qituvchisi podpolkovnik Murodxon To'raev va IIVning 1-sonli Toshkent akademik liceyi boshlig'i, podpolkovnik Rustam Rashitxodjaevlar ishtirok etishdi.

IIV Malaka oshirish instituti raxbariyati bilan suhbatda tomonlar samboni yanada rivojlantirish bo'yicha rejalar haqida fikr almashishdi. Bu borada har ikki tomon uchun ham manfaatli bo'lgan masalalar muhokama qilindi. Sambo bo'yicha terma jamoamiz azolarining aksariyati ushbu institut talabalari hisoblanishadi. Ular uchun kasbiy tayyorgarlik bo'yicha darslar ham olib boriladi. SHu va boshqa masalalar yuzasidan bugun har ikki tomon o'rtasida memorandum imzolandi.

Ikkinchi kelishuv esa yuqorida takidlanganidek O'zbekiston Respublikasi IIVning 1-sonli Toshkent akademik liceyi bilan amalga oshirildi. Ushbu licey sport zalida sambo bo'yicha mashg'ulotlar tashkil etiladi. U erdagi kursantlar uchun sambo mashg'ulotlari bo'lib o'tadi. Bu esa o'z navbatida licey kursantlarining jismoniy tayyorgarligini yanada oshirishga xizmat qiladi. 

Qayd etish lozimki, ushbu kelishuvlar O'zbekistonda sambo sportining rivojiga o'zining ulkan hissasini qo'shmay qolmaydi. 

O'zbekiston sambo associaciyasi matbuot xizmati