O'zbekiston sambo associaciyasi translyaciyalar bo'yicha kelishuvga erishdi

Bugun associaciya rahbari Alisher Alimov va telekanal bosh direktori Ravshan Jo'raev o'rtasida memorandum imzolandi. Endilikda "UzReport" telekanali O'zbekiston sambo associaciyasi tomonidan o'tkaziladigan milliy va xalqaro miqyodagi musobaqalarni eksklyuziv yoritish va namoyish etish huquqiga ega bo'ldi. 

"O'zbekiston sambo associaciyasi va "UzReport" telekanali hamkorlik bo'yicha o'zaro kelishuvga erishdik. Bu o'zbek sambochilari, associaciyamiz uchun sharaf. Sababi, sambochilarimizning ko'rsatishga arziydigan yutuqlari bor. Ushbu yutuqlarni O'zbekiston xalqiga taqdim eta olsak, yosh avlodda mazkur sport turiga qiziqish uyg'onadi degan umiddaman", - dedi O'zbekiston sambo associaciyasi raisi Alisher Alimov. 

O'zbekiston sambo associaciyasi matbuot xizmati