O'zbekiston sambo associaciyasida bir necha viloyat bo'limlari tashkil etildi

Kecha Toshkent shahrida tashkilot yig'ilishi bo'lib o'tdi. Yig'ilishni O'zbekiston sambo associaciyasi raisi Alisher Alimov olib bordi. Unda bir qator tashkiliy masalalar ko'rib chiqildi.

Jumladan, Toshkent viloyatida ham endilikda O'zbekiston sambo associaciyasining bo'limi ish boshladi. Yig'ilish davomida bo'limga Komiljon Adilov rahbar etib saylandi. Malumot o'rnida, Komiljon Toshpo'latovich Adilov 1986 yili Toshkent viloyatida tug'ilgan. Bugungi kunda Toshkent viloyati Jismoniy tarbiya va sport boshqarmasida faoliyat olib bormoqda. 

Bundan tashqari, o'tkazilgan yig'ilish davomida Jizzax viloyati bo'limi ham tashkil etilgani elon qilindi. Unga Umarov Baxtiyorjon Mahmudovich rahbar etib saylandi. Malumot uchun, B.Umarov 1984 yilda Samarqand viloyatida tavallud topgan. Bugungi kunda Milliy gvardiya qo'mondonligi, Jizzax viloyatidagi harbiy qismlaridan birida komandir sifatida faoliyat olib bormoqda. SHuningdek, Jizzax viloyati bosh murabbiyi etib Hasan Boboev faoliyat olib boradigan bo'ldi. Viloyat ayollar terma jamoasiga Oyjamol To'ymetova, o'smirlar jamoasiga esa Muhammad Umrqulov bosh murabbiy etib saylandi.  

SHuningdek, faoliyatida kamchiliklar ko'zga tashlangani uchun Temir Umirov sambo associaciyasi raisi o'rinbosari lavozimini tark etdi. Uning o'rniga Azamat Gulyamov bir ovozdan O'zbekiston sambo associaciyasi raisi o'rinbosari etib saylandi.

Yig'ilishda mutasaddilarga o'z hududlarida samboni yanada rivojlantirish, ishni tashkil etish bo'yicha maqsad va vazifalar belgilab berildi. (https://t.me/uzbekistan_sambo/1972) 

O'zbekiston sambo associaciyasi matbuot xizmati