O'zbekiston – SHveycariya 1:2. Istomin Laksonenga qarshi kortga chiqdi

Bu ikki terma jamoa Jahon ligasiga chiqish uchun pley-off o'yinida ishtirok etyapti. Kechagi kungi bahslardan so'ng hisob 1:2, SHveycariya foydasiga hal bo'lib turibdi. Kecha juftliklar bahsida Denis Istomin va Farrux Do'stov hamkorligi Adrien Bossel hamda Xenri Laksonen tandemiga 4:6, 2:6, 6:7 hisobida imkoniyatni boy berib qo'ygandi.

Ayni daqiqalarda mamlakatimizning birinchi raketkasi Denis Istomin SHveycariyaning birinchi raketkasi sifatida Toshkentga tashrif buyurgan Xenri Laksonenga qarshi kortga chiqmoqda. Hozirgina Istomin uchrashuvni boshlab berdi va birinchi geymni o'z foydasiga hal qildi. Unga omad tilaymiz.

Eslatib o'tamiz, O'zbekiston terma jamoasi saralashda Xitoy tennischilarini 3:2 hisobida mag'lubiyatga uchratib, pley-offda ishtirok etish huquqini qo'lga kiritgandi.

SHveycariyaliklar esa Jahon ligasi birinchi bosqichida Italiyaga qarshi o'yin o'tkazib, 0:5 hisobida mag'lubiyatga uchragan edi. O'zbekiston – SHveycariya uchrashuvi g'olibi Jahon ligasiga yo'llanmani qo'lga kiritadi.