O'zbekiston suzish federaciyasiga yangi rais saylandi

Kun tartibidan federaciyaga yangi rahbar saylash masalasi o'rin oldi.

Suzish Olimpiya o'yinlarida salmoqli yo'llanma va medallar o'ynaladigan sport turlaridan hisoblanadi. SHu bois, federaciya moddiy-texnik bazasini kuchaytirish, mazkur yo'nalishlarda o'zbekistonlik atletlarga yanada qulay imkoniyatlar yaratish ustuvor vazifa hisoblanadi.

Qayd etish joiz, O'zbekiston kasaba uyushmalari federaciyasi tomonidan so'nggi yillarda hududlarda suv sporti turlarining moddiy-texnik bazasini yaxshilash borasida qator ishlar amalga oshirilmoqda. Jumladan, Namangan viloyati va Toshkent shahrida jahon standartlariga mos keladigan 50x25 metr o'lchamdagi havzalar foydalanishga topshirildi. Qashqadaryoda ayni paytda navbatdagi obekt – zamonaviy suv sport turlari saroyi qad rostlayotgan bo'lsa, Toshkent viloyatida yana bir suzish havzasi qurilishi loyihalashtirilyapti.

Federaciyaning avvalgi rahbari Q.Sanoqulov mamlakat gandbol federaciyasi boshqaruviga o'tgani va yuqoridagi jihatlarni inobatga olgan holda, suzish federaciyasi rahbari lavozimiga O'zbekiston kasaba uyushmalari federaciyasi raisi Rafikov Qudratilla Mirsagatovich nomzodi ilgari surildi. Tadbirda qatnashgan delegatlar ushbu nomzodni bir ovozdan maqullashdi va Q.Rafikov mamlakat suzish federaciyasi raisi etib saylandi.

Tadbir davomida federaciyaning Los-Anjeles-2028 yozgi Olimpiya o'yinlariga tayyorgarlik rejasi batafsil ko'rib chiqildi. Bunda terma jamoalarga xorijlik malakali murabbiylarni jalb etish, selekciya yo'nalishiga ko'proq ahamiyat berish kabi mavzular muhokama markazida bo'ldi. SHuningdek, suzish, suv polosi, suvga sakrash va sinxron suzish dasturlarida atletlarimizning Olimpiada yo'llanmalari uchun imkoniyatlari ko'rib chiqildi.