O'zbekistonlik sportchilar va Arnold SHvarcnegger (FOTO)

AQSHning Oxayo shtati Kolumbus shahrida ananaviy "Arnold Sports Festival" doirasida sambo bahslari tashkil etildi.

Arnold SHvarcnegger tomonidan har yili ananaviy tarzda tashkil etiladigan mazkur festivalning sambo bahslarida o'zbekistonlik sportchilar ham ishtirok etishdi. 

Musobaqada Azizaxon Muhammadjonova, Islom Ahmedjonov, Samariddin Hikmatullaev, Sanjar Hikmatullaev, Jahongir Ahmadjonov kabi hamyurtlarimiz barcha raqiblarini mag'lubiyatga uchratgan holda, oltin medalni qo'lga kiritishdi. 

Hamyurtimiz Farrux Niyazimbetov bahslarda hakam sifatida ishlashdi.

Ushbu natija orqali vakillarimiz umumjamoa hisobida ikkinchi o'rinni olishdi. Birinchi o'rin Kaliforniya shtati jamoasiga nasib etdi.

Qayd etish lozimki, sambo bahslarini shaxsan Arnold SHvarcneggerning o'zi ham katta qiziqish bilan tomosha qildi va mazkur sport turi yildan-yilga rivojlanib borayotganini qayd etdi. SHuningdek, O'zbekiston sportchilarini ham muvaffaqiyatli ishtirok bilan tabrikladi.