O'zbekistonlik triatlonchi jahon triatlon seriyasining Grand Finalida ishtirok etdi

Grand Final poygalarida 4000 dan ortiq professional va havaskorlar ishtirok etdilar. Bu musobaqalarda jahon chempionlarining nomlari malum bo'ladi.

"23 yoshgacha" va "o'smirlar" toifasidagi sportchilar – jahon sport elitasining yosh avlodi o'rtasidagi musobaqalar 30-avgust, juma kuni bo'lib o'tdi.

Hamyurtimiz Aleksandr Reshetnikov sprint poygasida o'smirlar o'rtasidagi musobaqalarda qatnashdi. Jahon miqyosidagi triatletlar bilan bahsda u MDH mamlakatlari orasida Rossiya va Ukraina sportchilaridan keyin 4-o'rinni, Osiyo triatlonchilari o'rtasida 5-o'rinni (Yaponiya va Gonkong sportchilaridan keyin), dunyoning barcha o'smirlari orasida 54-o'rinni egalladi. 

Triatlon bo'yicha jahon seriyasi – bu haryillik bir necha bosqichda bo'lib o'tadigan musobaqadir. Elite toifasidagi g'oliblar jahon chempionlariga aylanadilar va musobaqaning mukofot jamg'armasi deyarli 2 million dollarni tashkil qiladi.

Jahon seriyasining bosqichlarida musobaqalar ikki turdagi masofada o'tkaziladi: Olimpiya masofasi (1500 metrga suzish, 40 km velosiped poygasi, 10 km yugurish) va sprint (750 metr suzish, 20 km velosipedda, 5 km yugurish).

Triatlon bo'yicha Jahon seriyasining Grand Finali – bu eng nufuzli bosqich bo'lib, unda g'alaba uchun sportchilar eng ko'p ochkoga ega bo'lishadi. Aynan shu erda triatlon bo'yicha jahon chempionlarining nomlari aniq bo'ladi.

Lozanna – SHveycariyaning janubi-g'arbiy qismida joylashgan shahar, Vaud kantoni poytaxti va Lozanna okrugining mamuriy markazi. Lozanna dunyoning "Olimpiya poytaxti" nomiga ega. Bu erda Xalqaro olimpiya qo'mitasi va ko'plab xalqaro sport federaciyalarining shtab-kvartiralari joylashgan.