10 jan 14:51
Yangiliklar
![](/upload/storage/148855_220.jpg)
O'zDJTSUda Mamatqul Xaylaev xotirasiga bag'ishlangan shaxmat musobaqasi tashkil etildi
Joylarda ushbu – kishidan yuksak aql-zakovat, sabr-toqat va iroda talab qiladigan sport turi bilan shug'ullanish uchun yaratilgan shart-sharoitlar yanada yaxshilanmoqda.
Xususan, 2020/2021 o'quv yilidan boshlab O'zbekiston davlat jismoniy tarbiya va sport universitetida “5610545-Sport faoliyati: shaxmat» talim yo'nalishi bo'yicha oliy malumotli kadrlar tayyorlash tizimi yo'lga qo'yildi.
Bugun O'zbekiston davlat jismoniy tarbiya va sport universitetida FIDE ustasi, «SHuhrat» medali sohibi Xaylaev Mamatqul Jumaevich xotirasiga bag'ishlab «SHaxmat» sport turidan musobaqa tashkil etildi.
Sportni boshqarish va kasbiy fanlar fakultetining "Sport menejmenti va iqtisodiyoti" kafedrasi tashabbusi bilan tashkil etilgan shaxmat musobaqasi ko'pchilikda katta qiziqish uyg'otdi. Musobaqani universitetning Yoshlar bilan ishlash bo'yicha prorektori SH. Mirzanov ochib berdi.
SHveycarcha tizimda o'tgan va 5 turdan iborat musobaqada 50 nafarga yaqin professor-o'qituvchilar va yosh iqtidor egalari g'oliblik uchun dona surishdi.
Musobaqa yakunida 5 ta imkoniyatdan 5 ochko jamg'argan Masud Musaev g'oliblikni qo'lga kiritdi. II o'rin Xusan Musulmanovga, III o'rin Baxrom Xoliqovga nasib qildi.
Tadbir so'ngida universitetning O'quv ishlar bo'yicha prorektori I.Ahmedov musobaqa g'oliblarini tantanali ravishda taqdirladi.
O'zDJTSU matbuot xizmati
Fikrlar