O'ZDJTSUda talabalar ishtirokida ilmiy-amaliy anjuman o'tkazildi

O'zbekiston davlat jismoniy tarbiya va sport universitetining madaniyat saroyida o'tkazilgan mazkur anjumanda Xalqaro kurash turlari nazariyasi va uslubiyati kafedrasining talabalari va magistrlari ishtirok etishdi.

Anjumanda ishtirok etgan kafedra mudiri, O'zbekistonda xizmat ko'rsatagan murabbiy, docent SHuhrat Arslonov,  professor Nurjan Tastanov,  sambo bo'yicha sport ustasi, docent Erlan Boyto'raev. pedagogika fanlari bo'yicha falsafa  fanlari doktori (PhD), docentlar  SHuxrat Tursunov, Sarvar Odilov, Jasur Tashnazarov, SHukurjon G'oziev hamda katta o'qituvchilar va o'qituvchilar anjuman qatnashchilariga talabalarning o'zlari tanlagan sport turlarining ilmiy jihatlari xususida maruzalar qilishdi. SHuningdek,  2022 yil – “Inson qadrini ulug'lash va faol mahalla yili”da  kafedra tomonidan talabalar ishtirokida alohida dastur – rejaga muvofiq  bajarilishi lozim bo'lgan vazifalar tahlil qilindi. 

Bundan tashqari anjumanda kafedra talabalarining tanlagan sport turlari bo'yicha ilmiy mavzularining dolzarbligi, ushbu mavzularini to'liq tahlil qilib, yoritib berganligi va ilmiy asoslangani uchun yuqori baholarga loyiq ko'rilgan  sambo yo'nalishining 01-20 guruh talabasi Dinara SHakirova birinchi o'rinni egalladi. Erkin kurash yo'nalishining 01-20 guruh talabasi Mutabar Boymurodova ikkinchi o'rinni qo'lga kiritgan bo'lsa, sambo yo'nalishining 51-21 guruhida tahsil olayotgan Madina Aminjanova uchinchi o'ringa loyiq ko'rildi. SHuningdek, yana sakkiz nafar  talabalar  turli yo'nalishlarda ilmiy jihatdan  faol bo'lgani uchun rag'batlantirildi. Anjumanda ishtirok etgan talabalar madaniyat saroyidagi tashkil etilgan muzeyda ham bo'lishib, sport turlari tarixi, nomdor sportchilarning xalqaro sport maydonlaridagi ulkan muvaffaqiyatlari aks etgan eksponatlar bilan ham batafsil tanishishdi.

Ilhom RAHMONOV tayyorladi