O'zDJTSUning Xitoy va Janubiy Koreya oliy talim muassasalari bilan xamkorligi mustaxkamlanmoqda

21 aprel kuni O'zbekiston davlat jismoniy tarbiya va sport universitetiga Xitoyning Pekin sport universiteti professori Yang Binsheng hamda Janubiy Koreyaning Yong In universiteti professori (PhD), xalqaro toifadagi hakam, Koreya jismoniy tarbiya jamiyati vice-prezidenti, Koreya jismoniy tarbiya associaciyasi vice-prezidenti Lee Han Kyung tashrif buyurdi. Dastavval mehmonlar universitetda talabalarga yaratilgan shart-sharoitlar bilan tanishdi. Sport zallari va o'quv auditoriyalar, yangi kutubxona va talabalar turar joyi bilan tanishtirildi.

SHundan so'ng, O'zDJTSU huzuridagi Jismoniy tarbiya va sport ilmiy tadqiqotlar instituti direktori, professor Rashid Matkarimov, Ilmiy ishlar va innovaciyalar bo'yicha prorektor Kamil Bayazitov, Yoshlar bilan ishlash bo'yicha prorektor SHerzod Mirzanov, Xalqaro hamkorlik bo'limi boshlig'i SHuxrat Toshturdiev hamda universitet doktorantlari va mustaqil izlanuvchilar ishtirokida rasmiy uchrashuv bo'lib o'tdi.

Uchrashuv davomida Jismoniy tarbiya va sport ilmiy tadqiqotlar instituti va universitet xodimlarini kelgusida malaka oshirish, qo'shma dasturlar bo'yicha o'quv kurslari to'g'risida fikrlar o'rtaga tashlandi, qolaversa mehmonlar hozirgi kunda dunyoga nomi taralayotgan sportchilarimizga o'z qiziqishlarini bildirib o'tishdi. Yangi o'quv yilidan universitet va Pekin sport universiteti o'rtasida  xodimlarni tajriba almashinuvini yo'lga qo'yishga kelishib olindi. SHuningdek, universitetga jalb etilgan xorijlik mutaxassislar, mahalliy professor-o'qituvchilar faoliyati, shuningdek hamkor universitetlar to'g'risida malumotlar berildi.

Malumot uchun, professor Yang Binsheng 2000-2018 yillar mobaynida Xitoy Olimpiya tayyorgarlik markazi rahbari lavozimida faoliyat yuritgan. SHu vaqtgacha uning muallifligida 80 ga yaqin Scopus va Springer ilmiy bazalarida maqolalari chop etilgan.