Para stol tennisi: hamyurtlarimiz Islom birdamlik o'yinlariga puxta tayyorlanishmoqda

20 iyul sanasidan boshlangan ushbu o'quv-mashg'ulot yig'ini O'zbekiston Stol tennisi federaciyasi sport zalida bo'lib o'tmoqda.

5 avgustga qadar davom etadigan yig'inda Rasul Atamuratov, Abdurahmon Zohidjonov, Umidjon Ahmedov, Artyom Saprikin va Abdurahmon Rahmatullaev, jami 5 nafar sportchi ishtirok etmoqda. Ularga esa trenerlar – Nodira Burhanxodjaeva, SHodiyor Ataev hamda Abror Fathullaev boshchiligi qilmoqda.

«Asosiy etibor avgust oyida bo'lib o'tadigan Konyadagi Islom birdamlik o'yinlarida muvaffaqiyatli ishtirok etishga qaratilgan. Bu yo'lda sportchilar bilan tinimsiz ishlayapmiz. Mashg'ulotlar kuniga 2 mahaldan olib borilmoqda va asosan sportchilarning texnik-taktik hamda jismoniy tayyorgarligini oshirishga qaratilgan», — dedi trener Nodira Burhanxodjaeva.