Toshkentda ilk bor stol tennisi bo'yicha Osiyo chempionati o'tkaziladi

Mazkur qita birinchiligi O'zbekistonda ilk bor o'tkazilmoqda.

Musobaqada 33 mamlakatdan 255 nafar sportchi ishtirok etadi. Bellashuvlar yakkalik, juftlik, aralash juftlik hamda jamoaviy dasturlarda tashkil qilinadi.

Jamoaviy bahslarda kelasi yili Qozog'istonda bo'lib o'tadigan jahon chempionatiga yo'llanmalar ham o'ynaladi.

Osiyo chempionatida O'zbekiston terma jamoasining 10 nafar sportchisi qatnashadi. Hamyurtlarimiz 12 oktyabrdan KXDR va Qirg'iziston terma jamoalari bilan musobaqa oldidan so'nggi tayyorgarlik yig'inini boshlaydi.