Paradzyudo. O'zbek sportchilari umumjamoa hisobida birinchi!

Mazkur nufuzli musobaqa O'zbekiston Milliy paralimpiya associaciyasi, O'zbekiston Respublikasi Jismoniy tarbiya va sport davlat qo'mitasi va mamlakatimiz dzyudo federaciyasi tomonidan Xalqaro ko'zi ojizlar sport associaciyasi bilan hamkorlikda tashkil etildi.

Mamlakatimizda jismoniy imkoniyati cheklangan insonlar, ayniqsa, yoshlarni har tomonlama qo'llab-quvvatlash, ularning iqtidorini yuzaga chiqarish, zamonaviy bilim va kasb-hunarlarni egallashi, jismoniy tarbiya va sport bilan shug'ullanib, o'z salohiyatini namoyon qilishi uchun keng imkoniyatlar yaratilmoqda. Buning samarasida O'zbekiston paralimpiyachilari jahon va qita chempionatlari hamda Paralimpiya o'yinlarida ulkan zafarlarni qo'lga kiritmoqda.
Xalqaro ko'zi ojizlar sport associaciyasi mamlakatimizda Paralimpiya o'yinlari dasturidan joy olgan dzyudoni jismoniy imkoniyati cheklangan yoshlar o'rtasida yanada ommalashtirishga doimiy etibor qaratilayotgani, nufuzli sport anjumanlari yuksak saviyada tashkil etilayotgani hamda zamonaviy sport infratuzilmasi mavjudligini inobatga olib, mazkur musobaqani Toshkent shahrida o'tkazishga qaror qildi. Nufuzli musobaqada 30 ga yaqin davlatdan kelgan polvonlar 13 vazn toifasida g'oliblik uchun kuch sinashdi. Keskin va murosasiz bahslarga boy o'tgan chempionatda SHuhrat Boboev, SHerzod Namozov, Feruz Saidov, Parvina Samandarova o'z vazn toifalarida barcha raqiblarini mag'lubiyatga uchratib, oltin medalni qo'lga kiritdi.

Sportchilarimiz Nurbek Mirzaev, Vasila Aliboeva, Sevinch Salaeva kumush medalni qo'lga kiritgan bo'lsa, SHarif Xalilov, SHirin SHaripov, Feruzaxon Yusupova, Gulruh Rahimova bronza medal bilan taqdirlandi. – CHempionatda zafar quchganimizdan g'oyat baxtiyormiz, – deydi Feruz Saidov. – Bu natija bilan to'xtab qolmaymiz, kelgusida o'tkaziladigan qita va jahon chempionatlari, Paralimpiya o'yinlarida ham munosib qatnashib, o'zbek paralimpiyachilarining yuksak salohiyatini butun jahonga namoyish etishga harakat qilamiz.

CHempionatda O'zbekiston terma jamoasi 4 oltin, 3 kumush va 4 bronza medalni qo'lga kiritib, umujamoa hisobida birinchi o'rinni egalladi.

Paralimpiya associaciyasi matbuot xizmati