Paradzyudochilarimiz jahon chempionatini 6 ta medal bilan yakunladilar

Musobaqaning birinchi kunida sportchilarimiz tomonidan 1 ta oltin, 3 ta bronza medali qo'lga kiritlgani haqida xabar qilgandik.

Bellashuvlarning ikkinchi kunida ikki nafar sportchimiz shohsupaga ko'tarilishga muvaffaq bo'ldi. -70 kg vazn toifasida bahslarda ishtirok etgan Vasila Aliboeva musobaqa davomida Italiya, Rossiya va Meksika vakilalarini mag'lubiyatga uchratib, finalgacha etib bordi. Hal qiluvchi jangda braziliyalik raqibasiga imkoniyatni boy berdi va kumush medalga sazovor bo'ldi. +100 kg vazn toifasidagi bahslarda qatnashgan SHirin SHaripov ilk jangida gruziyalik sportchidan ustun keldi. CHorak finalda Janubiy Koreya terma jamoasi vakiliga yutqazib qo'ydi. Bronza medali uchun kechgan janglarda esa Jazoir va rossiyalik ikki nafar sportchidan ustun keldi.

SHu tariqa, paradzyudochilarimiz Portugaliyadagi jahon chempionatini 1 ta oltin, 1 ta kumush va 4 ta bronza medali bilan yakunlashdi. Umumjamoa hisobida esa 42 mamlakat ichida to'rtinchi o'rinni egalladilar.

Milliy olimpiya qo'mitasi ushbu muvaffaqiyat bilan sportchilarimiz, murabbiylar va O'zbekiston Paralimpiya associaciyasini muborakbod etadi.