Parasuzish. SHoxsanam Toshpo'latova jahon chempioni bo'ldi

Kecha ayollar o'rtasida 100 metrga batterflyay usulida suzish bahslari bo'lib o'tdi. Etiborlisi, hamyurtimiz SHoxsanam Toshpo'latova finishga hamma raqiblarini ortda qoldirgan holda etib keldi va terma jamoamiz hisobiga ushbu jahon chempionatidagi ilk oltin medalni yozdirib qo'yishga erishdi. Alohida qayd etish lozimki, SHoxsanam finishga kelish uchun bor yo'g'i 1 daqiqayu 3,89 soniya sarfladi. Bu esa yangi Osiyo rekordi hisoblanadi.

Eslatib o'tamiz, SHoxsanam Toshpo'latova bundan 100 metrga erkin usulda suzish bo'yicha bronza medaliga sazovor bo'lgan edi.

Ayollar. 100 metrga batterflyay usulida suzish:

1. SHoxsanam Toshpo'latova (O'zbekiston) – 1:03.89;

2. Karlotta Gilli (Italiya) – 1:03,95;

3. Rebekka Meyers (AQSH) – 1:04,41;

Islom Asanov ham terma jamoamiz hisobiga navbatdagi medalni qo'shib qo'ydi. 

Erkaklar. 100 metrga batterflyay usulida suzish:

1. Ixar Boki (Belarus) – 53.95;

2. Islom Aslanov (O'zbekiston) – 55.99;

3. Oleksiy Virchenko (Ukraina) – 57.38;

Eslatib o'tamiz, ushbu jahon chempionatida terma jamoamiz sharafini 7 nafar sportchi himoya qilmoqda. Hozirgacha hisobimizda 1ta oltin, 3 ta kumush va 2 ta bronza – jami 6 ta medal mavjud:

SHoxsanam Toshpo'latova – 1 ta oltin, 1 ta bronza;

Islom Aslanov – 2 ta kumush;

Firdavs Musabekov – 1 ta kumush

Nigora Mirzoxidova – 1 ta bronza

Malumot uchun, 60 dan ortiq mamlakatdan 600 ga yaqin sportchi ishtirok etayotgan ushbu turnirda hozircha O'zbekiston terma jamoasi 6 ta medal bilan umumjamoa hisobida 20-o'rinni egallab turibdi.