Parij-2024 arenalari: To'rtta sport turini qabul qiladigan “Port-de-Versal” ko'rgazma maydoni

Parijda joylashgan ana shunday yirik maydonlardan biri “Port-de-Versal” o'z bag'rida voleybol, gandbol, stol tennisi va og'ir atletika bo'yicha dunyoning eng kuchli sportchilarini jamlaydi.

Inshoot 1923 yil qurib bitkazilgan. SHu paytgacha u erda moda, IT, energetika, ilm-fan, transport va boshqa sohalardagi katta ko'rgazmalar tashkil etilgan. Sport olamidagi yagona yirik tadbir esa 2019 yilgi FIFAning 69-Kongressi bo'lib, unda tashkilotning amaldagi rahbari Janni Infantino FIFA Prezidenti etib saylangan.

Markazning maydoni 226 ming kvadrat metrni tashkil etadi Uning tarkibi asosiy maydon, 8 ta pavilon, 2 ta yirik auditoriya, 32 ta uchrashuvlar xonasidan iborat.

“Port-de-Versal”da Parij-2024 yozgi Olimpiya o'yinlari mobaynida voleybol, stol tennisi va og'ir atletika bo'yicha asosiy bahslar, gandbol bo'yicha esa saralash bosqichidan o'rin olgan bellashuvlar o'tkaziladi. Voleybol uchun 12 000, qolgan yo'nalishlar uchun esa 6 000 tomoshabinga mo'ljallangan tribunalar o'rnatiladi. Olimpiya shaharchasidan 14 km uzoqlikda joylashgan.