Parij-2024: O'zbekiston delegaciyasining tayyorgarlik rejalari OAV bilan baham ko'rildi

Unda MOQ Bosh kotibi Oybek Kasimov hamda Qo'mita raisi o'rinbosari SHerzod Tashmatov OAV xodimlarining mavzu yuzasidan qiziqtirgan savollariga javob berishdi.

Dastavval, Oybek Omilovich MOQning ortda qolgan yildagi faoliyati haqida to'xtalib o'tdi. Unda O'zbekiston delegaciyasining Parij-2024 Olimpiadasiga ko'rayotgan tayyorgarligi, o'tkazilgan o'quv-mashg'ulot yig'inlari, xalqaro aloqalar va musobaqalar, sport tibbiyoti kabi yo'nalishlar hamda bular uchun yil davomida sarflangan mablag'lar haqida batafsil to'xtalib o'tdi. MOQ Bosh kotibi tadbir davomida Toshkent-2025 yoshlar Osiyo o'yinlari mavzusiga ham alohida etibor qaratdi.

Anjumanning ikkinchi yarmi O'zbekiston delegaciyasining Parij-2024 yozgi Olimpiya o'yinlariga tayyorgariligi haqida bo'ldi. Mavzu yuzasidan SHerzod Rixsibaevich so'z olib, Sport vazirligi bilan har bir terma jamoalar kesimida tayyorgarlik rejalari ishlab chiqilgani xususida to'xtaldi. Unga ko'ra, O'zbekiston delegaciyasi 20 ta yo'nalishda Olimpiya o'yinlariga yo'llanma olishi kutilmoqda. Tabiiyki, unda ishtirok etadigan o'zbekistonlik sportchilarning soni ham avvalgilarga qaraganda ortishi rejalashtirilgan.

Savol-javob qismida og'ir atletika, eshkak eshish sport turlari, velosport, futbol, engil atletika kabi yo'nalishlarda terma jamoalarning licenzion musobaqalarga tayyorgarligi haqida alohida so'z bordi. SH.Tashmatov bazi jamoalarning xorijdagi yig'inlarini shaxsan o'zi joylarga borib kuzatib kelgani, ular uchun eng zamonaviy inventarlar xarid qilingani, malakali xalqaro mutaxassislar biriktirilganini inobatga olib, licenzion musobaqalarda atletlarimizdan yuqori natijalar kutilayotganini takidladi.

Ayni paytda O'zbekiston delegaciyasi hisobida Parij-2024 yozgi Olimpiya o'yinlari uchun 25 ta yo'llanma mavjud. Tadbir yakunida Oybek Kasimov davlatimizning qo'llab-quvvatlashi bilan yaqinlashib kelayotgan 4 yillikning eng nufuzli musobaqasiga har qachongidan ham ko'proq yo'llanma olib, delegaciyamiz tarixidagi eng yaxshi natijani yangilash reja qilinganini malum qildi.