Parij "Masters". Medvedev chempionlik himoyasiga kirishdi

Musobaqaning amaldagi chempioni Daniil Medvedev o'z ishtirokini to'g'ridan-to'g'ri ikkinchi davradan boshladi. Rossiyalik tennis ustasi 1 soatu 31 daqiqa davom etgan uchrashuvda belaruslik Ilya Ivashkoni mag'lubiyatga uchratdi - 7/5, 6/4.

Dunyoning ikkinchi raketkasi bo'lib turgan 25 yoshli Daniil bahs davomida 3 ta, ATP reytingida 46-pog'onadan joy olgan 27 yashar Ivashko ham 3 ta eys zarbasini amalga oshirdi. Tennischilarning o'zaro uchrashuvlarida Medvedev farqni oshirdi - 4:1.

Endi Daniil Rolex Paris Masters turnirining uchinchi bosqichida amerikalik Sebastyan Kordaga qarshi kortga chiqadi.