Paris Masters. Jokovichni mag'lub etgan Xachanov chempion bo'ldi

Sovrin jamg'armasi deyarli 4,9 million evroni tashkil qiluvchi musobaqada kutilmagan natija qayd etildi. Hal qiluvchi final uchrashuvida dunyoning 18-raketkasi, rossiyalik Karen Xachanov ikkinchi raketka serbiyalik Novak Jokovichni mag'lub etishning uddasidan chiqdi. 

Bir soatu 37 daqiqa davom etgan bahs yakunida Xachanov nomdor raqibidan 7/5, 6/4 hisobida ustun kelib, Parij “Masters” turniri g'olibiga aylandi. Rolex Paris Masters turniridagi muvaffaqiyatli ishtirok 22 yoshli Xachanovga 1000 reyting ochkosi hamda 973,480 evro mukofot puli taqdim etdi.