Paris Masters. Xachanov 1/2 finalda, u reytingda yana Top-20`ga qaytadi

Dunyoning 21-raketkasi Karen Xachanov nufuzli musobaqaning yarim final ishtirokchisiga aylandi. Rossiyalik tennischi roppa-rosa 70 daqiqa davom etgan 1/4 finalda dunyoning 9-raketkasi bolgariyalik Grigor Dimitrovni ortiqcha qiyinchiliksiz mag'lubiyatga uchratdi - 6/2, 6/3.

Karen faoliyatida ilk bor tajribali raqibini mag'lub etishning uddasidan chiqdi - 1:4. Bundan avvalgi barcha to'rt uchrashuvda Grigorning qo'li baland kelgandi. Xachanov 6, Dimitrov 4 ta eys zarbasini amalga oshirgan. Breyklar bo'yicha ham mutlaq ustunlik rus tennischisi tomonida bo'ldi - 4 ga 0! 

Xachanov faoliyatida beshinchi, bu yilgi mavsumda esa ilk bor "Masters" turnirining yarim finaliga chiqdi. U dushanba kuni elon qilinadigan ATP reytingida yana Top-20`ga qaytadi. Endi u Rolex Paris Masters 1/2 finalida franciyalik Ugo Umberga qarshi kortga chiqadi.