Penchak silat bo'yicha O'zbekiston kubogi o'tkazildi

O'zbekiston jismoniy tarbiya va sport davlat qo'mitasi, SHarq yakkakurashlari va jang sanatlarini rivojlantirish markazi hamda mamlakatimiz penchak silat federaciyasi tomonidan o'tkazilgan musobaqada yuzdan ortiq sportchi g'oliblik uchun kuch sinashdi. 

2018 yil 18 avgust – 2 sentyabr kunlari Indoneziyada bo'lib o'tadigan XVIII yozgi Osiyo o'yinlarining penchak silat bo'yicha bahslariga sportchilarimizni puxta tayyorlash, mazkur sport turini ommalashtirish va terma jamoaga munosib sportchilarni saralash maqsadida tashkil etilgan musobaqada Elyorbek Aliev, Farrux Yusupov, Abduazim Qobulbekov, Arsen Qoratoshev, Igor Ribakov, Elizaveta Qodirova, Nigora Qurbonboeva, Noila Haydarova, Karina Fattillaeva shohsupaga ko'tarildi.

Musobaqa yakunida barcha g'olib va sovrindorlarga diplom va esdalik sovg'alari topshirildi.