08 may 07:42
Yangiliklar

Tennis

Plishkova Madriddagi ishtirokini yakunladi

Dunyoning beshinchi raketkasi Karolin Plishkova Madridda davom etayotgan nufuzli turnirda mag'lubiyat alamini totib ko'rdi.

CHexiyalik tennis malikasi ikkinchi davra uchrashuvida ukrainalik Katerina Kozlovaga qarshi kortga chiqdi. Bir soatu 51 daqiqa davom etgan bahsda WTA reytingida 85-pog'onani egallab turgan Kozlova 7/5, 2/6, 6/4 hisobida zafar quchdi.

Etiborlisi, 25 yoshli Katerina uchrashuv davomida 14 ta eys zarbasini amalga oshirishga muvaffaq bo'ldi. Bu tennischilarning o'zaro ilk to'qnashuvi edi. Endi Kozlova Mutua Madrid Open turnirining uchinchi davrasida shveycariyalik Belinda Benchichga qarshi kortga chiqadi.