Plishkova Toshkentda 43 ming dollar ishlab topdi

Sovrin jamg'armasi 250 ming dollarni tashkil qilgan ushbu turnir bu yil 18-marotaba o'tkazildi. Musobaqaning yakkalik bahslari hal qiluvchi final uchrashuvida turnirning o'tgan yilgi g'olibasi yaponiyalik Nao Xibino o'z unvonini himoya qila olmadi.

CHexiyalik Kristina Plishkova 1 soatu 46 daqiqa davom etgan uch setdan iborat uchrashuvda chempionni 6:3, 2:6, 6:3 hisobida mag'lub etib, “Toshkent Open”ning yangi chempioniga aylandi.

Bugungi muvaffaqiyat dunyo reytingida 104-o'rinni egallab turgan 24 yoshli raketka ustasi uchun 43 ming AQSH dollar mukofot puli hamda 280 reyting ochkosini taqdim etdi. 21 yoshli Xibino reytingda 78-pog'onadan joy olgandi.