28 okt 14:20
Yangiliklar
Tennis
![](/upload/storage/21634_220.jpg)
Plishkova Yakuniy turnirda g'olib chiqsa, dunyoning birinchi raketkasiga aylanadi
CHexiyalik tennis malikasi Karolina Plishkova Singapurda davom etayotgan Yakuniy WTA turniridan so'ng dunyoning birinchi raketkasiga aylanishi mumkin.
Ushbu musobaqa boshlanishi oldidan bir yo'la etti nafar tennischida Singapur turniri yakunida dunyoning birinchi raketkasi bo'lish imkoniyati bor edi. Guruh bosqichidan so'ng ular soni ikki nafarga tushib qoldi.
Ulardan biri hozirda reytingda karvonboshilik qilayotgan ruminiyalik Simona Xalepdir. Simona guruhdan chiqa olmagan bo'lsada, hamon unda o'z mavqeyini saqlab qolish imkoniyati mavjud.
Buning uchun Karolina Plishkova turnirda g'olib bo'lmasligi lozim. Agar chexiyalik tennischi Yakuniy turnirda bosh mukofotni qo'lga kiritsa, u holda 2017 yilni dunyoning birinchi raqamli tennischisi sifatida yakunlaydi.
Havola :
Fikrlar