Polvonlarimiz jahon chempionatida etakchi o'rinda

Mazkur jahon chempionatida 30 dan ortiq davlatlardan sportchilar ishtirok etishmoqda.

Quvonarlisi, kecha 11 noyabr kuni start olgan ushbu jahon chempionatida belbog'li kurash bo'yicha erkaklar terma jamoamiz bosh murabbiyi SHavkat Mirzaqulov, ayollar terma jamoasi bosh murabbiyi Sergey Txak hamda yoshlar terma jamoa bosh murabbiyi Baxtiyor Turg'unpo'latov  boshchiligidagi polvonlarimiz munosib ishtirok etishmoqda. 

Xususan, kechagi belbog'li kurashning erkin yo'nalishida ishtirok etgan erkaklar va ayollardan iborat terma jamoamiz 4 ta oltin, 2 tu kumush va 2 ta bronza medalani qo'lga kiritib, 30 ta davlat sportchilari orasida umumjamoa hisobida faxrli birinchi o'rinni egalladi. 

Oltin medal 

57 kg. Jamoliddin Nematullaev 

52 kg. Farangiz Abdunabieva

58 kg. Manzuraoy Mo'ydinova 

66 kg. Dilafro'z Mamajonova

Kumush medal

68 kg. Oybek Sultonov

82 kg. Jahongir Hayitov

Bronza medal

75 kg. Nusrat Sultonboev

76 kg. Lazzat To'laberganova. 

Bugun 12 noyabr musobaqaning ikkinchi kunida kattalar o'rtasida belbog'li kurashning klassik yo'nalishida 8 ta medallar jamlanmasi uchun bellashuvlar o'tkazilmoqda. 

Reglamentga ko'ra,  ertaga yoshlar va o'smirlar o'rtasidagi musobaqalarga start beriladi. Jahon chempionatiga yo'l olgan sport delegaciyamizga O'zbekiston belbog'li kurash federaciyasi raisi Ravshan Dastirov rahbarlik qilmoqda.

Jahon chempionati 16 noyabrga qadar davom etadi. 

Ilhom RAHMONOV tayyorladi