Polvonlarimizning jahon chempionatidagi g'alabali yurishi davom etmoqda

Dunyoning o'ttizdan ziyod davlatining sara kurashchilari ishtirok etayotgan jahon chempionatining ilk kuni belbog'li kurashning erkin yo'nalishida qatnashgan O'zbekiston erkaklar va ayollar terma jamoasi 4 ta oltin, 2 ta kumush va 2 ta bronza medalini qo'lga kiritib, umumjamoa hisobida faxrli birinchi o'rinni egallagan edi. 

Musobaqaning ikkinchi kuni tashkil etilgan belbog'li kurashning klassik yo'nalishida kattalar o'rtasidagi bellashuvlarda vakillarimiz 1 ta kumush va 3 ta bronza medali jamg'arishga muvaffaq bo'lishdi. Oybek Muhammadov (-100 kg) kumush, Asror Solijonov (-68 kg), Murodjon Hamidov (-75 kg) va SHukrullo Mamatkarimov (-82 kg) bronza medaliga ega chiqdi.

Musobaqa reglamentiga ko'ra, bugundan yoshlar va o'smirlar o'rtasidagi jahon chempionati bellashuvlariga start berildi. Unda Baxtiyor Turg'unpo'latov murabbiyligidagi yoshlar terma jamoamiz polvonlariga gilamga chiqadi. Jahon chempionati 16 noyabrga qadar davom etadi. 

Darvoqe, belbog'li kurash bo'yicha halqaro toifadagi hakamlarimizdan Miranshoh Ro'ziev, Sergey Txak, Nematulla To'ychiev va Elmurod Abdullaev ushbu jahon chempionatida hakamlik vazifasida ishlashmoqda. 

Ilhom RAHMONOV tayyorladi