Prezident shaxmatchilarimizni taqdirlab, Yangi Toshkentda 500 o'rinli shaxmat saroyi qurishni taklif qildi

Tadbir davomida Prezident SHavkat Mirziyoev Yangi Toshkentda 500 o'rinli zamonaviy shaxmat saroyi qurishni taklif qildi. Unda o'yin zali bilan birga yotoqxona va sport maydonchalari ham bo'lishi rejalashtirilmoqda. O'zbekistonda yosh shaxmatchilarni tayyorlash tizimini kengaytirish ham ko'zda tutilgan. Taqdim etilgan malumotga ko'ra, Samarqand, Xorazm va Farg'onada Toshkent xalqaro shaxmat akademiyasining filiallari ochiladi.

Akademiyada yuqori toifali shaxmat murabbiylarini tayyorlash tizimini ham yo'lga qo'yish rejalashtirilgan. Prezident avvalroq mamlakatda shaxmatni yanada rivojlantirish bo'yicha yangi qaror qabul qilinganini malum qilgan edi.

SHuningdek, FIDE reytingi 1500 balldan yuqori bo'lgan shaxmatchilarning xususiy klublardagi mashg'ulot xarajatlarining 50 foizini davlat hisobidan qoplash nazarda tutilgan. Mamlakatda «O'zbekiston Grand Chess» milliy brendi ostida xalqaro turnirlarni muntazam tashkil etilish rejalashtirilmoqda. Bu orqali mahalliy shaxmatchilarga kuchli xorijiy raqiblar bilan O'zbekistonning o'zida bellashish imkoniyatini kengaytirish ko'zda tutilgan.

Avvalroq, Samarqandda o'tkazilgan 46-Butunjahon SHaxmat Olimpiadasida O'zbekiston erkaklar terma jamoasi chempion bo'lgan edi. Prezident jamoa azolarini 200 ming AQSH dollari, Volkswagen avtomobili hamda uy bilan taqdirladi.