Puna. Xabibulinada g'alaba, Nigina Abduraimova esa...

Nigina yakkalik musobaqasini saralash bosqichidan boshladi. U ilk davrada Britaniya, keyin esa Qirg'iziston vakilasini mag'lubiyatga uchratdi va asosiy davraga yo'l oldi.
Asosiy to'rning birinchi bosqichida u latviyalik Diana Marchinkevichaga qarshi kortga chiqdi. 54 daqiqa davom etgan o'yinda tennischimiz afsuski 2:6, 1:6 hisoblarida mag'lub bo'ldi. Juftlik bahslarida rossiyalik Anna Morgina bilan birga kortga chiqqan Nigina ilk davrada Leykina (Rossiya)/Marchinkevicha (Latviya) tandemiga qarshi bahsda 0:6, 7:5, 8:10 hisoblarida mag'lub bo'ldi.

Juftlik bahslarida ishtirok etayotgan boshqa bir hamyurtimiz Albina Xabibulina musobaqada gruziyalik Mariam Bolkvadze bilan hamkorlikda chiqish qildi. Ular ilk davrada Sneal (Hindiston)/Priyanka (Malayziya) juftligiga qarshi o'yin o'tkazib, 6:1, 7:5 hisoblarida g'alaba qozonishdi.