Puye Venadagi turnirda bosh mukofot sohibiga aylandi

Hal qiluvchi final uchrashuvida franciyalik tennischi Lyuka Puye hamyurti Jo-Vilfred Tsongaga qarshi kortga chiqdi. Bir soatu 11 daqiqa davom etgan bahsda dunyoning 25-raketkasi bo'lgan Puye 6:1, 6:4 hisobida zafar quchdi.

Ushbu muvaffaqiyatli ishtirok 23 yoshli Lyukaga 438,505 evro mukofot puli hamda 500 reyting ochkosini taqdim etdi. Venada qo'lga kiritilgan sovrin uning faoliyatidagi to'rtinchisiga aylandi.