Qamashida qo'l jangi musobaqasi o'tkazildi + FOTO

Qamashi tuman jismoniy tarbiya va sport bo'limi hamda tuman bolalar-o'smirlar sport maktabi hamkorligida qo'l jangi sport turi bo'yicha bolalar-o'smirlar sport maktabi tarbiyalanuvchilari va tuman Temurbeklar maktabi o'quvchilari o'rtasida sakkiz vazn toifasida o'tkazilgan musobaqada 152 nafar (shundan qizlar 30 nafar)dan  ziyod sportchi ishtirok etdi.

Musobaqalarning yakuniy natijalariga ko'ra, umumjamoa hisobida yoshlar o'rtasida 1-o'ringa Mirsaid Saydullaev murabbiyligidagi BO'SM qo'l jangi sport turi bo'limi jamoasi, ikkinchi o'ringa Husniddin Sobirdinov murabbiyligidagi BO'SM qo'l jangi bo'limi jamoasi, uchinchi o'ringa Qamashi tuman Temurbeklar maktabi jamoalari sazovor bo'ldi.

Tuman bolalar-o'smirlar sport maktabi tarbiyalanuvchilari va Qamashi tuman Temurbeklar maktabi o'quvchilari o'rtasida umumjaoa hisobida birinchi o'rin BO'SM-1 jamoasi, ikkinchi o'rin tuman BO'SM-2 jamoasi uchinchi o'rin tuman Temurbeklar maktabi jamoalariga nasib etdi.

 Musobaqa davomida o'z tashabbusi bilan ishtirok etgan viloyat Milliy gvardiya qo'riqlash boshqarmasi xodimlari ham o'z hissasi qo'shishdi.

Yuqori saviyada bo'lib o'tgan mazkur ochiq birinchilik musobaqasida g'olib va sovrindorlar viloyat Milliy gvardiya qo'riqlash boshqarmasi va tuman bolalar-o'smirlar sport maktabi tomonidan diplom, tegishli medal hamda qimmatbaho sovg'alar bilan taqdirlandi.

– Sportning qo'l jangi turini ommalashtirish, sog'lom turmush tarzini targ'ib etish hamda sportchilarni rag'batlantirish maqsadida o'tkazilgan musobaqa yuqori saviyada tashkil etildi, – deydi viloyat Milliy gvardiya qo'riqlash boshqarmasi kadrlar bo'limi boshlig'i Nurbekjon Hamidov. – Qiziqarli va keskin kurashlar ostida o'tgan musobaqalarda eng munosiblar g'oliblar qatoridan joy oldi.

Faxriddin CHoriev, Qamashi tuman jismoniy tarbiya va sport bo'limi bosh inspektori