Qarshi "Fyuchers". Fominning kutilmagan mag'lubiyati, Korobeynikov va O'rinovda g'alaba

Ayni daqiqalarda yakkalik bahslarida birinchi davra uchrashuvlari o'tkazilmoqda. Asosiy to'rga saralash bahslari orqali etib kelgan Grigoriy Korobeynikov belaruslik Martin Borisyukni 6:4, 6:4 hisobida mag'lub etdi. Ibrohimjon O'rinov esa rossiyalik Vladislav Sveridenkodan 6:2, 6:1 hisobida ustun keldi.

Afsuski, Sergey Fomin ilk davradayoq mag'lubiyat alamini totib ko'rdi. Turnirning oltinchi raketkasi bo'lgan hamyurtimiz rossiyalik Igor Noskinga qarshi bahsning birinchi setini 4:6 hisobida boy berdi. Ikkinchi setda 0:3 hisobida yutqazayotgan Sergey bahsni davom ettira olmasligini malum qildi.