28 apr 08:43
Yangiliklar

Tennis

Qarshi “Fyuchers”. Jo'rabek Karimov yarim final uchrashuvini o'tkazdi

Qarshi shahrida o'tkazilayotgan tennis bo'yicha “Fyuchers” turkumiga kiruvchi turnir o'z yakuni sari yaqinlashmoqda.

Sovrin jamg'armasi 25 000 AQSH dollarini tashkil qiluvchi musobaqada yarim final uchrashuvlari yakunlanib, finalga yo'l olgan ikki tennischining nomi malum bo'ldi. Ulardan biri o'zbekistonlik tennischi bo'lishi mumkin edi.

Istedodli tennischimiz Jo'rabek Karimov chorak finalda turnirning birinchi raketkasi yaponiyalik Xiroki Moriyani 6:4, 7:6(6) hisobida mag'lub etgandi. Afsuski, final chiptasi uchun kechgan bahsda hindistonlik Saket Mineniga 7:6(3), 6:7(5), 3:6 hisobida yutqazib qo'ydi.

Ikkinchi yarim final uchrashuvida turnirning ikkinchi raketkasi rossiyalik Konstantin Kravchuk musobaqada ettinchi raqam ostida harakat qilayotgan belaruslik Yaroslav SHilaga 2:6, 6:7(5) hisobida imkoniyatni boy berdi.